17/03/2021
A nova instalación meteorolóxica do porto xa está integrada na rede de Meteogalicia
A conselleira de Medio Ambiente, Ángeles Vázquez, visitou o Porto de Marín en compañía do presidente da Autoridade Portuaria e a alcaldesa de Marín para ver a nova estación meteorolóxica instalada na cuberta da sede administrativa do porto. Esta estación, cuxos datos xa se poden consultar, intégrase a través dun convenio na rede de Meteogalicia para proporcionar información ambiental e climática e contribuír á seguridade dos portos a través do sistema de avisos de fenómenos meteorolóxicos adversos. Este novo equipamento súmase ós xa existentes noutras localidades, en total 157 en toda Galicia que contan con máis de 1.100 sensores de medición.
