O Porto

O presidente da Autoridade Portuaria, Jose Benito Suárez Costa, fixo entrega esta mañá á alcaldesa de Marín de varios exemplares da publicación “Ons, a memoria do faro” editada pola Autoridade Portuaria, na que se fai un percorrido a modo de inventario de pezas vinculadas á sinalización e seguridade marítima. Ambos estiveron acompañados por Gerardo Alonso, un dos últimos fareros que permanece en activo adscrito ao servizo de sinais marítimos da Autoridade Portuaria. A publicación xa se remitiu a centros escolares da contorna así como a bibliotecas e arquivos municipais doutros municipios da contorna. O libro recolle máis de 40 pezas históricas existentes no faro da illa de Ons grazas ao traballo de recompilación e conservación realizado ao longo dos anos polos torreros da Autoridade Portuaria de Marín e Ría de Pontevedra. O catálogo recolle desde elementos propios da óptica dos faros a instrumentos como fumívoros, manómetros ou pluviógrafos pasando polos libros de rexistro do faro, entre eles os libros de consumo, libros de contas, libros de ordes etc. Cada peza está acompañada da súa descrición técnica sobre as súas características e funcionalidades, co fin de preservar o patrimonio material e inmaterial vinculado ao faro e á profesión de farero e na liña de Responsabilidade Social Corporativa que ten marcada a Autoridade Portuaria.