Os investimentos previstos en seguridade completaranse coa mellora do control de accesos
O presidente da Autoridade Portuaria convocou esta mañá a usuarios dos departamentos de armadores para expoñerlles xunto a técnicos TIC do Porto as melloras do circuíto pechado de televisión coas que se pretende dotar de maiores medidas de seguridade á zona que ocupan estas instalacións. O plan é global para todo o recinto portuario e planificouse unha primeira fase na que se reforzará de maneira particular a zona dos departamentos con novas cámaras dotadas con análises de vídeo intelixente e un incremento da iluminación. Estas cámaras dispoñerán de maior resolución e alcance que as actuais e ofrecen máis prestacións en condicións de visión nocturna. Ademais vaise a licitar un proxecto para incrementar a iluminación nesta zona substituíndo os actuais báculos por novos proxectores led.
A Autoridade Portuaria acometerá durante 2019 un importante investimento en diversas actuacións de mellora da seguridade e control de vehículos e persoas. Aumentarase o número de unidades e o sistema de cámaras do circuíto pechado de televisión. Persoal da policía portuaria ha colaborado cos técnicos no deseño do novo sistema que permitirá ampliar a máis dun centenar o número de cámaras distribuídas polo recinto portuario e mellorar así a cobertura do circuíto.
Cun orzamento superior a medio millón de euros instalaranse novas cámaras dixitais de alta resolución con mellor rango dinámico para evitar cegamentos e optimizar a visión en condicións adversas. Tamén se incorporarán novas funcionalidades para incrementar a facilidade para o seguimento de vehículos nos diferentes viais ou a localización máis eficiente de persoas e vehículos nas imaxes do CCTV.
Os investimentos previstos en seguridade completaranse coa mellora do control de accesos ao porto, axilizando o sistema de acreditacións de acceso de vehículos e persoas ao recinto portuario, o equipamento do sistema e a mellora dos controis para evitar accesos non autorizados.
