A Autoridade Portuaria adxudica a Prace a instalación de enerxías renovables nos seus edificios
A Autoridade Portuaria adxudicou á empresa Prace Servizos e Obras S.A, a implantación de instalacións de xeración fotovoltaica con sistemas de almacenamento en varios edificios propiedade da Autoridade Portuaria por un valor de 1,5 millóns de euros e un prazo de execución de 9 meses.
Esta actuación que se desenvolve en liña cos obxectivos estratéxicos de sustentabilidade, redución da pegada de carbono e mellora da eficiencia enerxética establecidos polo organismo portuario, está cofinanciada a través do Fondo Europeo de Desenvolvemento Rexional ( Programa FEDER 4).
A instalación realizarase nas cubertas de edificios como a sede da Autoridade Portuaria ou o PCF (Posto de Inspección Fronteirizo), que se consideran localizacións idóneas para a captación de enerxía solar, permitindo a xeración de enerxía limpa.
