ACTUALIDADE

A Autoridade Portuaria publicou esta mañá a adxudicación a Espublico Servizos para a Administración S.A do servizo integral para o seu sistema de administración electrónica. O porto segue así avanzando na súa transformación dixital para ampliar os servizos electrónicos dispoñibles para usuarios e cidadáns e para poder completar de maneira totalmente electrónica todo o percorrido dos expedientes administrativos desde o seu inicio ata a súa finalización, ampliando ademais o catálogo de procedementos dispoñibles. O servizo adxudicado dará ademais cumprimento á normativa de seguridade e continuidade do servizo prestado. A Autoridade Portuaria xa vén prestando servizos dixitais a través dunha sede electrónica, un rexistro de entrada electrónico e outras utilidades para firma e notificación electrónica. Ademais, é tamén punto de entrada da rede SARA a través de Portos do Estado, para poder concretar trámites co resto das administracións a través de medios dixitais.