20/08/2024
Coincidencia de tres graneleiros no porto para descargar máis de 75.000 tn de cereais
Tres buques graneleiros con carga de cereais coinciden estes días no porto para descargar máis de 75.000 toneladas conxuntas de mercadoría. Os tres, consignados polo Grupo Nogar están atracados nos peiraos Leirós 1 e 2 e no Peirao Oeste. Trátase do buque Ura, procedente de Alemaña, o Prince Zain que chega de Alxeria e o Cumbria, cuxo último porto foi o de Convent, en Estados Unidos.
O dos graneis sólidos está a ser un dos principais tráficos á alza este ano cunha subida rexistrada do 39% nos seis primeiros meses do ano con respecto ao mesmo período do ano anterior. Destaca o incremento dos cereais e as súas fariñas, cun 14,45% ata o mes de xuño.
