30/06/2026
Tres graneleros deixan estes días en Porto máis de 100.000 toneladas de granel
Tres buques graneleros coinciden estes días no porto para descargar máis de 100.000 toneladas conxuntas de mercancía, entre trigo, millo e soia. Os tres, consignados polo Grupo Nogar son o bulkcarrier Evita con 21.000 toneladas procedentes do porto brasileiro de Tubarao, o Gloriuous con 59.000 toneladas chegado desde New Orleans e o Federal St. Laurent, actualmente en fondeo, que atracará en porto para deixar 33.000 toneladas de cereal procedentes do porto da Pallice.
Marín é un porto altamente especializado en graneis agroalimentarios que conta con operadores, terminais e medios de manipulación especificamente destinados a estes tráficos, alén de dispoñer de ferrocarril, medio a través do que o Porto de Marín abastece de cereal a granxas e avícolas de Galicia.
