O Porto comezou a operativa para a recollida e reciclaxe do poliespan
22/01/2010
 O Porto de Marín deu comezo á operativa para a recollida e reciclaxe do poliestileno espandido (poliespan) dentro do proxecto de recuperación e reciclaxe de residuos propios da actividade pesqueira 3R FISH, xunto ó CETMAR, Portos de Galicia, Universidade A Coruña, Centro Tecnolóxico LEITAT e Plastimar-Industria de materias plásticas S.A. O poliespan é un producto habitual dentro da actividade diaria do porto xa que se emprega para a fabricación de caixas de almacenamento de peixe. A Autoridade Portuaria instalou varios contenedores para a recollida deste material e xa se produciu a retirada do primeiro deles, con 30 metros cúbicos de poliespan, que posteriormente serán tratados e recuperados nun centro especializado.
O obxectivo global do proxecto 3R FISH é o de establecer un sistema de xestión integral destes residuos que sexa medioambiental e económicamente viable e que axude a mellorar a calidade das augas e os fondos mariños.
A Autoridad Portuaria xa realiza a recollida selectiva para a reutilización doutros residuos como as redes ou as pilas usadas. Do mesmo modo, participa no proxecto Nada pola borda, para a retirada, por parte da flota pesqueira, de residuos na costa.
|
English |
Español
