O mal tempo obriga a dous remolques a buscar refuxio no Porto de Marín
12/11/2009
 O mal estado da mar fronte ás nosas costas, obrigou a dous remolques en tránsito a procurar refuxio no Porto de Marín. O primeiro deles, o Felis, con bandeira de Eslovaquia, atracou no peirao Este. Transporta unha barcaza, a Salamandre, de case 100 metros de eslora, entre Lisboa e Le Havre.
A media mañá chegou o segundo dos remolques. Trátase do buque Courbet, con bandeira de Gabón, que atracou no peirao Reboredo 2. Neste caso, o barco transportaba ó Beaufort, un casco para a construcción dun buque con 135 metros de eslora e 15 de manga con destino ó porto holandés de Rotterdam.
|
English |
Español
