|
|
En 1990 atopamos as obras de remate do peirao de reparacións e a súa explanada onde se instalarán os pantaláns flotantes para embarcacións deportivas e as naves de Departamentos para talleres e o Centro de Formación do sector marítimo-pesqueiro rematadas en 1994. Este sector terá novas ampliacións que rematan en 1998.
|
No sector comercial, en 1990 comezan as sondaxes na procura de novos peiraos. O resultado é o peirao comercial Sur que parte do final do peirao Norte pesqueiro e remata a súa construcción en 1993. Ó tempo que se realiza o ensanche da explanada entre o dique Norte pesqueiro e o peirao comercial Leirós, onde a empresa Ceferino Nogueira instala un dos seus almacéns de cereais. Entre as adquisicións, para o novo sector comercial destacan as dúas básculas de 80 t en 1990 e a grúa de 16 t de Babcok&Wilcox en 1991 instalada no peirao Leirós xunto ás dúas desta imaxe.
|
En canto ó sector pesqueiro, na primeira metade dos anos noventa destacan as novas instalacións dos departamentos para exportadores de peixe, a fábrica de xeo de OPROMAR e os departamentos de armadores.
O pabillón de venta de peixe adecuará a zona de subasta á normativa europea -pavimento, servizos, sala de transaccións e oficinas- entre 1991 e 1992 e mellora a súa coberta e a súa fachada en 1995. Anexo ó pabillón constrúese á lonxa de cerco rematada en 1999. A última mellora no pabillón é a súa climatización rematada no 2003.
|
|
|
English |
Español
