|
|
A gran obra do camiño de unión ou Autovía Pontevedra-Marín realizada entre 1949 e 1958.
|
En 1958, desde o último termo observamos a autovía, a península de Praceres, o recheo da chegada do ferrocarril ó Porto, a delimitación do futuro porto pesqueiro e inicio do seu recheo, os pantaláns da lonxa, a zona de ribeira e o varadoiro en primeiro termo.
|
A gran obra do porto pesqueiro realizada en dúas fases. A primeira entre 1958 e 1963.
|
A segunda etapa co peirao norte pechando a dársena, entre 1964 e 1967.
|
En primeiro termo, as instalacións da Escola Naval coa súa dársena pechada polo antigo dique Este, seguido do peirao comercial Oeste e a zona de ribeira cos primeiros recheos dos sesenta ata a zona dos varadoiros. Ó fondo, a obra do porto pesqueiro co dique norte en construcción.
A obra do porto pesqueiro prosegue coa rede de distribución de auga doce e a instalación do depósito elevado de auga salgada en 1965. As demais obras de habilitación dos novos peiraos son da primeira década dos setenta.
Acompañando ó novo porto, entre 1972 e 1974, constrúese o pavillón de venta e empaque cunha superficie na lonxa de 4.288 m2 e os departamentos onde se prepara e envasa o peixe con 4.800 m2.
En canto ás actividades frigoríficas, ós primeiros e pequenos frigoríficos –Frío Industrial (180 m2), José Martín Valdés (80 m2) e Antonio Rosales (60 m2)- que permanecen activos ata 1974, sucédelles o Frigorífico da Cooperativa do Mar (Safricope) instalado desde 1970 e con constantes ampliacións ata a actualidade, con capacidade de 11.480 m3.
O sector comercial, a partir dos anos cincuenta amplía as súas instalacións. Cabe salientar os dous almacéns cubertos, construídos e reformados entre 1949 e 1959; a adquisición de básculas e as grúas –dúas eléctricas de pórtico de 3/6 t de Talleres Grasset e dúas grúas automóbil Nelson de 3/6 t en 1958; dúas grúas de 6 t, Grasset e unha grúa automóbil de 3 a 9 t en 1966 e as dúas grúas de pórtico de 6 t de Macosa en 1975.
En 1959, visto desde a pequena dársena de embarcacións menores, o porto comercial, en plena actividade.
|
O peirao comercial polo seu lado Oeste utilizouse para buques de guerra e barcos inactivos ata 1973. En 1974 comeza o seu uso para o tráfico comercial.
|
|
|
English |
Español
